Sənət əsəri olaraq qiymətləndirilən və 120 000 dollara satılan, banan ilə bağlı olan rəssam işi muzey ziyarətçisi tərəfindən yeyilib.
Uvertüra.az xəbər verir ki, bu haqda BBC nəşri məlumat yayıb.
Qeyd edək ki, rəssam Maurizio Cattelan-a məxsus olan sənət əsəri Cənubi Koreyanın incəsənət tələbəsi tərəfindən yeyilib. Seul muzeyindən bildirilib ki, tələbə səhər yeməyini qəbul etmədiyindən və ac olduğundan dolayı onu yeyib. Muzeydən edilən açıqlamaya görə tələbəyə bu hərəkətinə görə heç bir hüquqi tədbir görülməyib. Çünki divardakı banan hər 2 yaxud 3 gündən bir yenisi ilə əvəz edilir.
Əlavə edək ki, bu baş verən ilk hal deyil, belə ki, 2019-cu ildə sənət adamı David Datuna da yapışqanlı lentdən bananı ayırmış və onu yemişdi. Əlavə edək ki, Cattelan “sənət əsəri”ni 2019-cu ildə ərsəyə gətirmişdi və o, bananı isə cəmi 30 sentə almışdı. Həmin əsər isə daha sonra məşhur kolleksiyaçılar tərəfindən yuxarıda qeyd edilən rəqəmə alınmışdır.
