11 iyun saat 19:00-da Heydər Əliyev Mərkəzində “Viva Opera” qala konserti keçiriləcək.
Qala konsertdə italyan opera müğənnisi Ferruccio Furlanetto, Rusiyanın məşhur “Bolşoy” Teatrının solistləri, həmyerlilərimiz Dinara Əliyeva və Elçin Əzizov, Azərbaycan Dövlət Akademik Opera və Balet Teatrının aparıcı solistləri – Xalq artistləri Fidan Hacıyeva, Samir Cəfərov, Əkrəm Poladov, Gülnaz İsmayılova, Əməkdar artistlər Afaq Abbasova, İnarə Babayeva, Ramil Qasımov, Səbinə Vahabzadə, Fərid Əliyev, Cahangir Qurbanov, İlham Nəzərov, Anton Ferştandt, İlahə Əfəndiyeva, Fəridə Məmmədova, Tural Ağasıyev, solistlər Fatimə Cəfərzadə, Nina Makarova, Taleh Yahyayev, Atəş Qarayev, Mahir Tağızadə, Gunel Hacıyeva, Atəş Qarayev və Teatrın xor kollektivi çıxış edəcəklər.
Teatrın simfonik orkestri muşayiəti ilə baş tutacaq proqramında Üz.Hacıbəyli, M.Maqomayev, C.Verdi, C.Puççini, J.Bize, C.Rossini, P.Çaykovski, P.Maskanyi, Q.Donisetti, V.A.Motsart, N.Rimski-Korsakov, J.Massne və digər bəstəkarların əsərləri səsləndiriləcək.
-Dirijor – Əməkdar artist, dirijorların beynəlxalq müsabiqələrinin laureatı Əyyub Quliyev
-Xormeyster – Əməkdar incəsənət xadimi Sevil Hacıyeva. Biletlər şəhərin bütün kassalarında və iticket.az saytında.
-Heydər Əliyev Mərkəzi
-11.06.2023
-19:00-20:30
