Uvertüra.az xəbər verir ki, aktrisa Ellada Sarvan qızı Nur Əhmədovanın haqsız yerə buraxılış imtahanından qovulduğunu iddia edib. Sənətçi bu barədə sosial mediyada paylaşım edim:
“Uşağı ədalətli olduğuna görə buraxmadılar imtahana. Zərifə Əliyeva adına Liseyin 9-cu sinif şagirdi Əhmədova Nur: İmtahan binasına daxil olanda, yoxlandıqdan sonra keçib zala. Gödəkcəsini soyunanda cibində atasının (köhnə markalı Nokia, Nurun öz telefonu yoxdur) telefonu aşkar edib və dərhal çıxarıb nəzarətçiyə təhvil verib.Deyib ki, bilməmişəm cibimdə qalıb. Imtahana bir saat 10 dəqiqə vaxt qalmışdı, imtahan vaxtı üstündə tutulmayıb. Heç nəyə məhəl qoymadan, uşağa qarşı kobudluq ediblər ki, harasından çıxardıb bu telefonu, bilmirəm. Sənə görə zibilə düşməliyəm? Çıx, öz problemini çöldə həll elə. Nəzarətçi telefonu tullayıb stolun üstünə. Uşaq ağlayıb ki, axı mən özüm təhvil verdim, çıxartmayn məni. Deyiblər ki, kameralara düşüb telefon, xeyri yoxdur. Nuru binadan uzaqlaşdırıblar”.
“Başa düşürəm, səhv məndə olub yoxlaya bilərdim, amma bu iş məqsədyönlü olmayıb, Nurun telefona, “şparqalka”ya ehtiyacı da yoxdur. Həmin gün hava birdən dəyişdi, evdən çıxarkən dedim, isti gödəkcəni geyin. Telefon onun cibində imiş. Bilməyib… Yenə deyirəm, uşağı yoxlayıb içəri buraxdılar. Belə çıxır ki, yalan danışsaydı, heç kim o telefon haqında bilməyəcəkdi və uşaq rahat imtahanı verib çıxacaqdı? Budu ədalət? Bunları başa düşdük. Onlar qanuna görə öz işlərini görüb. Dövlət İmtahan Mərkəzinə müraciət etdim ki, uşaq təkrar imtahan versin. Dedilər olmaz! Bəs onlar necə araşdırır ki, olar, ya olmaz? Nəyə görə mənim uşağımın atestatında ləkə qalmalıdı ki, bu uşaq 3 əsas fəndən 0 bal alir?
90+ alan uşaq niyə bu stressi çəkməlidir? Mənəvi zərbə aldı, onun cavabını kim verməlidir? Bu statusu yazmaqda məqsədim odur ki, araşdırılsın, mənim övladım imtahana buraxılsın. Təəssüf ki, mənim heç bir sübutum yoxdur. Biz kameradakı görüntülərì istədik məktəbdən. Məlum oldu ki, heç kamera da yoxdur. Mənim sübutum mənim övladımdır”.
