Amerikalı ifaçı Camila Cabello “Instagram” səhifəsi üzərindən maraqlı paylaşımı ilə auditoriyasının diqqətini cəlb edib.
Uvertüra.az müğənninin rəsmi sosial şəbəkəsinə istinadən xəbər verir ki, o istirahətin vacibliyindən bəhs edib. “Pandemiya zamanı öyrəndiyim məsələlərdən biri də istirahət idi. Ona qədər isə elə fikirləşirdim ki, mən çox çalışmalıyam. Hətta pandemiya zamanı belə düşüncədə idim ki, məhsuldar deyiləm, daha çoxunu edə bilərdim”.
İfaçı əlavə edib ki, “Ancaq nəzərə alın ki, biz robot deyilik, beynimiz isə kompüter deyil, istirahətə ehtiyacımız var”. Onun sözlərinə əsasən insanlar daha çox çalışmalıdırlar fikri mədəniyyətlərin aşıladığı düşüncə tərzidir: “Özümə istirahət ayıraraq yeni hobbilər kəşf edirəm, idman edirəm, dostluq və əlaqələrimi möhkəmləndirirəm, ruhi sağlamlığıma diqqət edirəm”, – bütün bunlar mənə karyerama qaldığım yerdən daha enerjili davam etməyimə kömək edir. Tənbəl olmaqdan qorxmayın”.
