“Əziz dostlar və şəhərimizin qonaqları, Sizi 1 iyun Uşaqların Beynəlxalq Müdafiəsi gününə həsr olunmuş 3 və 4 iyun 2023-cü il tarixlərində son dövrün ən peşəkar və virtuoz yaradıcı kollektivi olan, hər zaman ilklərə imza atan və konsertləri böyük anşlaqlarla keçən “Avanqard” kamera orkestrinin təqdimatında nağıl və ən məşhur cizgi filmlərinin qəhrəmanlarının bir araya gəldiyi “Disney” multimedia şousuna dəvət edirik”.
Uvertüra.az-a bu haqda “Art East Media Group”undan məlumat verilib.
“Canlı və əsrarəngiz musiqi sədaları altında məşhur qəhrəmanlarla təmasda olaraq, nostalji və sehrli anlar yaşayıb, uzunmüddət həmin duyquların təsiri altında qalmaq, eyni zaman övladlarınızın asudə vaxtının səmərəli keçirilməsi, dünyagörüşlərinin genişlənməsi və bədii-estetik zövqlərinin inkişaf etdirilməsini istəyirsinizsə bu şounu qaçırmamalısınız”, – deyə məlumatda qeyd edilib.
