Azərbaycan 2025-ci ilin “Avroviziya” mahnı müsabiqəsində “Run with U” adlı mahnı ilə təmsil olunacaq.
Uvertura.az xəbər verir ki, ölkəmizi təmsil edəcək “Mamagama” qrupunun ifa edəcəyi mahnının sözləri Asəf Mişiyev (Saphael Mishi), musiqisi isə Asəf Mişiyev (Saphael Mishi), Həsən Heydər (KHVS) və Roman Zilianev (Roman Zee) tərəfindən yazılıb.
Mahnının rəsmi klipi artıq təqdim edilib. Futuristik üslubda çəkilmiş klipdə Azərbaycanın Avroviziya tarixində iştirak etmiş bir neçə sənətçi də yer alıb. Klipin rejissoru isə Elvin Əhmədoğlu olub.
Bundan əlavə, bu ilki çıxışda ilk dəfə olaraq saz milli musiqi alətindən də istifadə olunacaq.
