Martın 31-də dünyanın ən böyük uşaq kitab sərgisi olan Bolonya Beynəlxalq Uşaq Kitab Sərgisi öz işinə başlayıb. Azərbaycan Respublikası Mədəniyyət Nazirliyinin və Azərbaycanın İtaliyadakı Səfirliyinin tabeliyində Mədəniyyət Mərkəzinin təşkilatçılığı ilə ölkəmiz sərgidə xüsusi stendlə təmsil olunur.
Uvertura.az xəbər verir ki, Mədəniyyət nazirinin müavini Fərid Cəfərovun rəhbərliyi ilə yerli yazar və naşirlərdən ibarət nümayəndə heyəti sərgidə iştirak edir. Yenilənmiş dizayna malik milli stenddə “Şərq-Qərb”, “Libra Kitab”, “Qələm”, “Everest”, “Təhsil, “Ağıllı bala”, “Aspoliqraf”, “Altun Kitab”, “Qanun”, “Ting”, “Oskar”, “Zəka Print”, “Radius” kimi Azərbaycan nəşriyyatlarında azyaşlı oxucular üçün çap olunmuş 160-dan çox adda 200 nüsxədən artıq kitab və nəşr məhsulu ziyarətçilərə təqdim olunur.
