Ötən həftə Azərbaycan mədəniyyətinə 2 ağır itki üz verib.
Uvertüra.az xəbər verir ki, Azərbaycan Respublikasının Xalq artisti, Əməkdar incəsənət xadimi, Azərbaycan Dövlət Akademik Rus Dram Teatrının rejissoru İrana Tofiq qızı Tağızadə aprelin 9-da səhər vəfat edib. Qeyd edək ki, İrana Tağızadə rejissor Tofiq Tağızadənin qızı, aktyor Firdovsi Atakişiyevin həyat yoldaşıdır.
Eyni zamanda elə həmin gündə Xalq artisti, Dövlət Akademik Milli Dram Teatrının bədii rəhbəri və direktoru Azərpaşa Nemətov 76 yaşında vəfat edib. Onunla vida mərasimi bu gün Azərbaycan Dövlət Akademik Milli Dram Teatrında keçirilib. O, II Fəxri xiyabanda dəfn ediləcək.
