Mədəniyyət

Azərbaycan Televiziyası və Radiosu Gününə həsr olunmuş ənənəvi kitab sərgisi açılıb

Bugün – 6 noyabr  Azərbaycan Televiziyası və Radio işcilərinin peşə bayramıdır. Bu günlə bağlı Milli Kitabxanada “6 noyabr – Televiziya və Radio İşçiləri Günü” adlı ənənəvi kitab sərgisi istifadəçilərə təqdim olunub.

Uvertura.az xəbər verir ki, sərgidə Azərbaycan radio və televiziyasının tarixi, inkişaf yolu, Müasir Azərbaycan televiziya efirində struktur nəzəriyyəsi, efir məkanının problemləri, radio-televiziyanın ədəbi dili, prinsipləri, reallıqları, perspektivləri və s. mövzularda yazılmış Azərbaycan və xarici dillərdə ədəbiyyatlar nümayiş olunur.

Qeyd edək ki, 1926-cı il noyabrın 6-da ölkəmizdə ilk dəfə radio proqramı – “Danışır Bakı!” efirdə yayımlanıb.   Bununla da Azərbaycan mətbuatında, mədəniyyətində və texnologiyasında yeni bir addım atılıb.

You may also like