Uvertüra.az bu həftə internetdə ən çox müzakirə edilən şou-biznes xəbərləri haqqında yazacaq.
Ötən həftə Türk şou biznesində ən çox müzakirə edilən mövzulardan biri də aktrisa Ceyda Düvenci-nin yoldaşı Bülent Şakrak-dan ayrılması ilə bağlı idi. Ancaq maraqlısı budur ki, aktrisa gəzən söz-söhbətlərdən sonra video yayımlamış və orada gəzən şayiələrə son qoymuşdu. “Biz kifayət qədər xoşbəxt bir cütlüyük. Heç bir problem yoxdur”, – deyə cavab vermişdi.
Azərbaycanlı müğənni Nəfəs “Olsun toy” adlı yeni klipini təqdim edib. Mahnı YouTube kanalına yükləndikdən sonra minlərlə baxış əldə edib. 4 gün öncə yüklənən videoya hazırda 452.000 nəfər baxıb.
25 yaşlı Amerikalı model Kylie Jenner 27 yaşlı aktyor Timothée Chalamet ilə eşq yaşayır. Bildirək ki, hazırda modelin reper Travis Scott-dan 1 qız və 1 oğlan olmaqla 2 övladı var. Məşhur mətbu orqanlarda yayılan məlumata əsasən onların sevgisi “yeni və həyəcanvericidir”.
Amerikalı model Kylie Jenner ilə bağlı internetdə dolaşan bir başqa xəbər isə Travis və Kylie-nin 2018-ci ildə Kaliforniyada 13.5 milyon dollara aldıqları malikanəni 2023-cü ildə 22 milyon dollara satışa çıxarması ilə bağlıdır.
İnternetdə yayılan bir başqa xəbər isə müğənni Shawn Mendes-in həmkarı Camila Cabello ilə yenidən eşq yaşaması ilə bağlıdır. Ancaq başqa mənbələr isə bildirirlər ki, onlar bir yerdə görünüblər, ancaq yenidən sevgili deyillər.
