Son vaxtlar Studio Ghibli üslubunda yaradılan şəkillər sosial mediada böyük maraq doğurur.
Uvertura.az xəbər verir ki, bu, süni intellektin təsirilə mümkün olub. Xüsusilə ChatGPT platformasının vizual yaradıcı funksiyası sayəsində insanlar adi şəkillərini Ghibli cizgi filmlərinə bənzər tərzdə dəyişə bilirlər.
Ghibli Filtri Nədir?
“Ghibli filtri” dedikdə, məşhur Yapon animasiya studiyası Studio Ghibli-nin özünəməxsus rəngləri, fonları və yumşaq görüntü tərzini təqlid edən vizual effekt başa düşülür. Bu filmlərdə tez-tez pastel rənglər, təbiət görüntüləri və nağılvari atmosfer olur.
Necə Tətbiq Etmək Olar?
ChatGPT ilə Ghibli üslublu şəkil yaratmaq çox asandır:
- Şəkilinizi ChatGPT-yə yükləyin.
- “Bu şəkli Studio Ghibli üslubunda göstərin” kimi bir əmr yazın.
- Əlavə istəkləriniz varsa – rəng, fon və s. – onu da qeyd edin.
Süni intellekt bu məlumatlara əsasən sizə Ghibli üslubuna uyğun vizual təqdim edəcək.
Bu trend maraqlı və əyləncəli olsa da, bəzi sənətçilər, o cümlədən Studio Ghibli-nin yaradıcısı Hayao Miyazaki, süni intellektin sənətdə istifadəsinə qarşıdır. O, bunu “həyatın özünə təhqir” adlandırıb. Həmçinin müəllif hüquqları ilə bağlı da suallar ortaya çıxır.
Buna baxmayaraq, bir çox insan bu filtri yaradıcılıq vasitəsi kimi qəbul edir və özünü ifadə etməyin yeni yolunu kəşf edir.
