“İtirmək qorxusu qaranlığa aparan yoldur.”
“Star Wars (Ulduz müharibələri)” filmlərinin ən tanınmış mənfi obrazı olan Darth Vaderin fəlsəfəsindən biraz danışaq.
Vaderin keçmişi onun fəlsəfəsində çox təsirlidir, ona görə də biz Vaderin Anakin Skywalker olduğu uşaqlıq və gənclik illərinə qayıtmalıyıq: Anakin anası ilə birlikdə yaşayan istedadlı və ağıllı oğlandır. Bunu dərk edən İşıq(Jedi) tərəfinin liderləri Anakinini bəzi sınaqlardan keçirir və bu uşağın həqiqətən xüsusi olduğunu başa düşürlər. Ancaq bu qabiliyyətlərə baxmayaraq, Anakinin içində gizli şəkildə inkişaf etdirdiyi qorxusu var: Anasını itirmək. Atasız böyüyən və anasına çox bağlı olan Anakinin anasının ölümünə çox həssas olması İşıqlı tərəfin diqqətini çəkir. Anakin bu qorxudan xilas olmaq üçün ətrafındakı insanlardan məsləhət alsa da, bu tövsiyələri həyatında tətbiq edə bilmir. O, böyüyüb gənc olanda belə, anasının ölüm fikri onu hələ də dəhşətə gətirir. Gecələr yuxularına girir və bir gün qorxduğu başına gəlir. Anası bir qrup tərəfindən işgəncəyə məruz qalar və Anakin onu tapdıqda isə anası son nəfəsini oğlunun qolunda verir. Bunun nəticəsində artıq Anakinin aydınlıq tərəfdən qırılma nöqtəsinin toxumu səpilir…
Çox keçmədən Anakinin növbəti qorxusu yaranır: Həyat yoldaşını itirmək…
Qorxusunun öhdəsindən gələ bilməyən insan bir müddət sonra qorxusuna qapılır. İşıqlı tərəfdə ölüm anlayışına cavab tapa bilməyən Anakin, Qaranlıq (Sith) tərəfin ölümlə bağlı fikirləri ilə maraqlanır. Qaranlıq tərəflə görüşü zamanı qaranlıq tərəfin lideri Palpatin Anakine-ə yaxınlarını ölümdən xilas edən Sith Lordu haqqında əfsanəni danışır. Anakin əfsanəyə şübhə etmədən Qaranlıq tərəfə üz tutmağa qərar verir. artıq Darth Vader olmaq yolunda addım atmağa başlayır . O, bu prosesdə Aydınlıq tərəfinə xəyanət edir. O, ustaları ilə döyüşür və uşaqları öldürür. Amma həyat yoldaşını ölümdən xilas edə bilmir. Qaranlıq tərəfə dönmək nəinki ölümü məğlub edə bilmədi, həm də vəziyyəti getdikcə daha da pisləşdirdi. Burada artıq qaranlıq tərəfin ölümə baxışının səhv olduğunu başa düşdük.
E.Bekker ölüm qorxusuna qalib gəlmiş və ölümü qəbul etmiş insanları araşdırdıqda onların özünü yüksək ideala həsr etmiş insanlar olduğunu anlayır. Ulduz Döyüşləri kainatında bu ideal “Force” yəni “Güc” dür. Ulduz Döyüşləri kainatında güc dediyimiz konsepsiyanın əsasını “tarazlıq” təşkil edir. İşıq qaranlıqla tarazlaşdırıldığı kimi, ölüm də həyatla tarazlanır. Qaranlıq tərəfdəki insanlar ölümü idarə etmək arzusunda olduğu halda, İşıq tərəfdəki insanlar ölümü qucaqlamaq və qəbul etmək istəyi var. Məsələn, Obi-Van və Darth Vader arasındakı son döyüşdə Obi-Van qocaldığını və Vaderlə öhdəsindən gələ bilməyəcəyini anlayır və buna görə də özünün ölməsinə icazə verir.Qısacsı işıq tərəfindəkilər Darth Vaderin inadla qəbul etmədiyi həqiqəti həyatlarının mərkəzinə qoymuşdular.
O dedi: “Ölüm inadkarlıq edəcək bir şey deyil”.
Araşdırdı: Səid Məmmədov
