Amerikalı rejissor və ssenarist, məşhur “Twin Peaks” serialının yaradıcısı David Lynch 79 yaşında vəfat edib.
Uvertura.az xəbər verir ki, bu barədə Lynch-in ailəsi sosial şəbəkədəki səhifəsində məlumat yayıb.
David Keith Lynch 20 yanvar 1946-cı ildə ABŞ-ın Montana ştatının Missoula şəhərində anadan olub. 1966-cı ildə Pensilvaniya İncəsənət Akademiyasına daxil olub və burada kinematoqrafiyaya maraq göstərib. 1967-ci ildə isə ilk qısametrajlı cizgi filmini çəkib.
1980-ci ildə prodüser Mel Brooks-un dəstəyi ilə çəkdiyi “The Elephant Man” filmi səkkiz Oskar mükafatı qazanıb.
Lynch, “Blue Velvet”, “Mulholland Drive”, “Twin Peaks” serialı və “Dune” kimi tanınmış ekran əsərləri ilə məşhurdur.
Keçən avqust ayında Lynch-ə xroniki emfizem xəstəliyi diaqnozu qoyulub. Bu, onun fəaliyyətini məhdudlaşdırıb və rejissoru evdə qalmağa məcbur edib.
