Dövlət Uşaq Filarmoniyası, balaca teatrsevərlər üçün Şarl Perronun “Qırmızı Papaq” nağılı əsasında hazırlanan tamaşa ilə səhnəyə çıxıb.
Uvertura.az xəbər verir ki, tamaşanın quruluşçu rejissoru Ağasəlim Feyzullayev, rəssamı isə Səriyyə Teymurovadır.
Tamaşada Dövlət Uşaq Filarmoniyasının rəqs kollektivi və “Şəms” uşaq xoru da iştirak edib.
Nağılın əsas mesajı dostluq, fədakarlıq və yaxşılıq kimi dəyərləri vurğulamaqla yanaşı, pis insanların və onların pis əməllərinin də qarşılıqsız qalmayacağını izah etməkdir.
Dövlət Uşaq Filarmoniyasının “Musiqili Uşaq Teatrı” artıq 10 ildən çoxdur ki, fəaliyyət göstərir. Bu müddət ərzində müxtəlif uşaq tamaşaları və maraqlı səhnəciklərlə daim tamaşaçılarını sevindirib.
