İyulun 3-də Heydər Əliyev Fondunun vitse-prezidenti, IDEA İctimai Birliyinin təsisçisi və rəhbəri Leyla Əliyeva doğum gününü qeyd edib.
Uvertura.az xəbər verir ki, Xalq artisti Emin Ağalarov onu ad günü münasibətiylə özünün “Instagram” səhifəsində təbrik edib. O, özünün və əkizləri Əli və Mikayıl, qızı Əminənin yer aldığı fotonu paylaşaraq bu sözləri yazıb: “Leyla, doğum günün mübarək. Verdiyin istiliyə, hər gün etdiyin yaxşılıqlara və möhtəşəm övladlarımıza görə çox sağ ol. Xoşbəxt ol”.
Qeyd edək ki, Leyla Əliyeva 3 iyul 1984-cü ildə Moskva şəhərində İlham Əliyevin və Mehriban Əliyevanın ailəsində anadan olub. 1989–2000-ci illərdə Bakı şəhərinin 160 saylı tam orta məktəbində orta təhsil alıb. Orta məktəbi bitirdikdən sonra isə həmin il Avropa Biznes Məktəbinə (ESB) daxil olub. Kiçik bacısı Arzu Əliyeva ilə birlikdə İsveçrə və Böyük Britaniyada təhsil aldıqdan sonra 2006–2008-ci illərdə Rusiyada Moskva Dövlət Beynəlxalq Münasibətlər İnstitutunda politologiya fakültəsində dünya siyasəti üzrə magistr təhsili alıb. 30 aprel 2006-cı ildə Crocus Group kampaniyasının vitse-prezidenti və musiqiçi Emin Ağalarov ilə ailə həyatı qurub. Toydan sonra cütlük Moskva şəhərinə köçüb və Leyla Əliyeva orada ictimai fəaliyyət ilə məşğul olmağa başlayıb.
