Əfsanəvi amerikalı aktyor, Holivud ulduzu Robert De Niro-nun nəvəsi qəfildən vəfat edib. Bu haqda onun anası, aktrisa Drena De Niro özünün “Instagram” postu vasitəsilə məlumat verib.
Uvertura.az xəbər verir ki, qəfil itki yaşayan Nior-lar ailəsindən bildirilib ki, Leandro De Niro Rodriguez iyulun 2-də dünyasını dəyişib.
51 yaşlı aktirsa qeyd edib ki, “İndi sənin yanında olmağı arzu edirəm. Mən bilmirəm sənsiz necə yaşamaq olar. Mənim sevimli, şirin mələyim”, – o, deyə əlavə edib. Leandro-nun atası, aktyor Carlos Mare isə Drena-nın sosial şəbəkədə paylaşdığı bu şok xəbərdən sonra özünün “Instagram” fotosunu qaraya bürüyüb və heç bir açıqlama verməyib.
Qeyd edək ki, Drena Robert De Nironun ilk evlilikdən olan ümumilikdəki 7 övladından biridir. Bildirək ki, 20 yaşlı Leandro isə babası, anası və atası kimi aktyor olub və bir çox filmlərdə yer alıb.
