Çinin texnologiya nəhəngi “Huawei” şirkəti “Android”dən uzaqlaşaraq “HarmonyOS Next” əməliyyat sisteminə tammiqyaslı keçid qərarını elan edib. Uvertura.az Azərtaca istinadən xəbər verir ki, şirkətin cihazlarının yenilənməsi prosesi oktyabrın 15-də başlayacaq.
Uzunmüddətli hazırlıqdan sonra “Huawei” qətiyyətlə “Android” əməliyyat sistemi ilə vidalaşır. Əvvəlcə “Android” üçün əlavə olaraq hazırlanmış “HarmonyOS Next” indi tamamilə müstəqil platformaya çevrilir. Bu strateji addım bir neçə il əvvəl şirkətə tətbiq edilən ABŞ texnologiyasının istifadəsinə qoyulan qadağa fonunda xüsusilə vacibdir.
Keçid “Android 15” sisteminin buraxılışı ilə üst-üstə düşərək mərhələli şəkildə həyata keçiriləcək. Lakin üçlü ekranı olan “Mate XT” kimi ən son modellərində yeniləmənin tətbiq ediləcəyi hələ məlum deyil.
Rəsmi buraxılış zamanı “HarmonyOS Next” 10 mindən çox tətbiqi və bütün əsas xidmətləri dəstəkləyəcək. “Huawei” yeni ekosistem üçün öz yerli proqramlarını fəal şəkildə inkişaf etdirir. Qeyd etmək vacibdir ki, yeni tətbiqlər yalnız yerli məlumat bazalarından istifadə edəcək və bu, “Android” proqramları ilə uyğunluğu istisna edir.
Avropa və ABŞ bazarları üçün istifadəçilərin “HarmonyOS Next”də dəstəklənməyəcəyi Google xidmətlərindən asılılığını nəzərə alaraq, “Huawei” şirkəti EMUI brendi altında “Android“in dəyişdirilmiş versiyası ilə cihazları buraxmağa davam edəcək.
