Rumıniyada yaşlı bir qadının evində illər boyu qapı dayandırıcısı kimi istifadə etdiyi daşın çox nadir olduğu ortaya çıxdı. Dəyəri təxminən 1,1 milyon dollar olan bu daş, alimlərə Dünyanın qədim tarixini araşdırmaq imkanı verərək antik keçmişə bir pəncərə açdı. Digər tərəfdən, həmin daş Rumıniyanınmilli xəzinəsi olaraq sinifləndirilib
Uvertura.az xarici mediaya istinadən xəbər verir ki, Ruminyanın Colti kəndində bir yaşlı qadın, çayda tapdığı qırmızı rəngli bir daşı evə gətirərək qapı dayandırıcısı kimi istifadə etməyə başladı. Bu kənd, Buzau çayı yaxınlığında, əsrlərdir ki, kəhrəba yataqları ilə məşhur olan bir bölgədir. Yaşlı qadının 1991-ci ildə vəfat etməsindən sonra mal-mülk, qohumlarına miras olaraq qaldı.
Daşın göründüyündən daha dəyərli ola biləcəyinə dair maraq yaranınca, ailə, mütəxəssis rəyi almağa qərar verdi.Qapı dayandırıcısı kimi istifadə olunan daş, nadir və son dərəcə dəyərli bir kəhrəba növü olan rumanit çıxıb.
Polşanın Krakov Tarix Muzeyinin mütəxəssisləri tərəfindən araşdırılan zaman daş öz əhəmiyyətini üzə çıxarıb. Kəhrəba yanlız təxmin edilən 1,1 milyon dollar dəyərində deyil, həm də mədəni və elmi əhəmiyyətinə görə Rumıniyanın milli sərvəti kimi təsnif edilmişdir.
