İradə gücü insanın özü ilə bağlı hər sahədə davranışını, düşüncələrini tənzimləmək qabiliyyətidir.
İradə gücü insanın həyatının böyük bir hissəsidir, çünki iradə gücü olmasa, insan həyatda hədəf və məqsədlərinə çatmaqda daim çətinlik çəkər, haradan necə başlayacağını bilməzdi.
İradə gücü insanlara məqsədyönlü davranışlarını dəyişən vəziyyətlərə uyğunlaşdırmağa imkan verən xüsusiyyətdir. İradə mövzusu təkcə psixologiyanın deyil, həmçinin, filosofların və din alimlərinin də araşdırdığı və daim maraqlandığı bir mövzudur.
İnsanda iradə əsasən 6 yaşa qədər formalaşır. İradəli insanlarda risk almaq, ətrafdakılarla yaxşı ünsiyyətdə olmaq, komanda bacarıqları, səbrlilik kimi müsbət xüsusiyyətlər görünür.
İradəni artırmaq üçün hər gün vaxtında yatıb-oyanmaq, idmanla məşğul olmaq və kiçik məqsədlərlə irəliləmək vacibdir.
