Azərbaycan Respublikası Mədəniyyət Nazirliyinin dəstəyi, Azərbaycan Dövlət Akademik Opera və Balet Teatrı ilə Bülbül Vokal Məktəbinin təşkilatçılığı ilə IV Azərbaycan Vokalçıları Festivalı davam edir.
Uvertura.az APA-ya istinadən xəbər verir ki, festival çərçivəsində Müslüm Maqomayev adına Azərbaycan Dövlət Akademik Filarmoniyasında, Qara Qarayev adına Azərbaycan Dövlət Kamera Orkestrinin müşayiəti və Xalq artisti Fəxrəddin Kərimovun bədii rəhbərliyi və baş dirijorluğu ilə Kamera Musiqi Axşamı keçirilib.
Konsert proqramında Azərbaycan Dövlət Akademik Opera və Balet Teatrının solistləri Nigar Cəfərova, Səma Həmzəyeva, Günel Hacıyeva, Aydan Quliyeva, gənc ifaçılar Elmira Qafarova, Nuray İsmayılova, Nigar Əsgərova, Səfurə Aslanova, Cəlal Kərimov və Vüqar Hacıyev dünya və Azərbaycan bəstəkarlarının əsərlərindən ibarət proqramla çıxış ediblər.
