Dekabrın 20-dən 24-dək IV Azərbaycan Vokalçıları Festivalı keçiriləcək.
Uvertura.az Azərtac-a istinadən xəbər verir ki, festival nazirliyin dəstəyi, Azərbaycan Dövlət Akademik Opera və Balet Teatrı və Bülbül Vokal Məktəbinin təşkilatçılığı ilə baş tutacaq.
Festival çərçivəsində bir sıra tədbirlər keçirilməsi planlaşdırılır. Bunlar arasında Azərbaycan Milli Konservatoriyasının müəllim və tələbələrinin iştirakı ilə konsert və elmi seminar, Xalq artisti Şahlar Quliyevin xatirəsinə həsr olunmuş konsert, Fikrət Əmirov adına Gəncə Dövlət Filarmoniyasında Xalq artisti Sevinc İbrahimovanın solo konserti, Kamera musiqisi axşamı və Rus bəstəkarlarının ariya və romanslarından ibarət gecə yer alır.
Festivalın bağlanış mərasimi dekabrın 24-də Müslüm Maqomayev adına Azərbaycan Dövlət Akademik Filarmoniyasında keçiriləcək. Tədbir Azərbaycan vokal sənətinin tanınmış simalarını bir araya gətirəcək.
