Məşhur “Harry Potter” filminin onlayn TV seriyası çəkiləcək. Bloomberg-də yer alan məlumata əsasən bununla bağlı olaraq Amerika film və əyləncə studiyası “Warner Bros.”in striminq platforması ilə danışıqlara yaxın olduğu bildirilib.
Uvertüra.az xəbər verir ki, TV seriyası ən çox satılan, ingilis yazıçı J. K. Rowling-in fantastik janrda yazılmış eyniadlı 7 “Harry Potter” kitabına əsaslanacaq. Qeyd edək ki, daha öncə də film “Warner Bros.” tərəfindən kinosevərlərə təqdim edilmişdi. Bildirilir ki, yeni TV seriyası onlayn striminq platforması olan HBO-da yayımlana bilər və məhz bunun üçün də film və əyləncə studiyası danışıqlar aparır.
