Noyabrın 15-də Azərbaycan Milli Xalça Muzeyində “İqlimlər və ilmələr” adlı beynəlxalq sərginin açılışı olub.
Uvertura.az APA-ya istinadən xəbər verir ki, BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasına (COP29) həsr olunan sərgi Azərbaycan Respublikası Mədəniyyət Nazirliyi və Azərbaycan Milli Xalça Muzeyinin təşkilatçılığı ilə keçirilib.
Sərgi, iqlim dəyişikliyi və ekoloji məsələlərə diqqət çəkmək məqsədini güdür və xalqımızın zəngin mədəni irsinin müasir sənətlə əlaqələndirilməsini nümayiş etdirir. Bu sərgi, həmçinin Azərbaycanın xalçaçılıq ənənələrinin, ekoloji tarazlıqla birləşərək təbiətə qarşı məsuliyyətli yanaşma mövzusunu işıqlandırır.
ədbirdə 3 nömrəli Uşaq-Gənclər İnkişaf Mərkəzinin üzvləri tərəfindən rəqs ifa olunub.
Müasir sənətkarların qədim ənənələrimizə əsaslanaraq yeni üslubda və texnikada yaratdıqları əsərlər vasitəsilə sərgi, tamaşaçıların diqqətini iqlim dəyişmələrinə qarşı mübarizəyə, ekoloji problemlərin həllinə və ətraf mühitin mühafizəsinə yönəltmək məqsədini güdür.
Sərgi noyabrın 30-dək davam edəcək.
