Azərbaycan Respublikası Kino Agentliyi (ARKA) tərəfindən 2023-cü ildə keçirilmiş film layihələri müsabiqəsinin qalibi olan “Nargin” filminin çəkilişləri davam edir.
Uvertura.az Azərtaca istinadən xəbər verir ki, ARKA-nın dəstəyi ilə “Karvan production” tərəfindən lentə alınan bədii-sənədli filmin rejissorları Elməddin Alıyev və Xəyyam Abdullazadədir.
Filmin ssenarisinə görə, hadisələr fotostudiyada başlayır. Fotoqraf Sona xanım Hacıyevanın fotosunu çəkməyə hazırlaşır və bu vaxt küçədə səs-küy düşür. Sona xanım fotonun çəkilməsini gözləmədən küçəyə çıxır. Bu zaman fotoqraf aparatı işə salır və tüstü ətrafı bürüyür. Kompozisiyada isə boş kətil görünür. Sona xanım həyəcanla limana doğru aparılan türk əsirləri izləyir.
Bu real hadisələr “Nargin” bədii-sənədli filminin süjet xəttini təşkil edir.
