Oppenheimer filmi ilə 2023-cü ildə iz qoymuş məşhur rejissor Kristofer Nolanın ulduzlarla dolu yeni layihəsinin təfərrüatları məlum olub.
Uvertura.az xəbər verir ki,Filmlərində müasir texnikaları ilə oynaması ilə tanınan və “Oppenheimer” filmi ilə Oskar qazanan Kristofer Nolan yeni filminin hazırlıqlarına başlayıb.
Ulduzlarla dolu bir heyət quran Nolan-ın yeni filmində baş rolları Matt Damon, Tom Holland, Anne Hathaway, Zendaya, Lupita Nyong’o, Robert Pattinson və Charlize Theron paylaşacaq.
Maraqla gözlənilən filmin detalları haqqında məlumatı məşhur istehsal və paylama şirkəti Universal verib:
Studiyanın yeni X (Twitter) postuna görə, rejissorun növbəti layihəsi yeni təkmilləşdirilmiş IMAX texnologiyasından istifadə etməklə bütün dünyada çəkiləcək əfsanəvi aksiya dastanı olacaq.
Nolanın ssenarisini yazacağı film Homerin dastanını ilk dəfə IMAX ekranlarına gətirəcək və 17 iyul 2026-cı ildə bütün kinoteatrlarda nümayiş olunacaq.
