Türkiyəli məşhur aktrisa Özgü Namal ilk dəfə 5 il əvvəl ürək tutmasından vəfat edən həyat yoldaşı Ahmet Serdar Oralın ölümü barədə danışıb.
Uvertura.az xəbər verir ki Kurtlar Vadisi serialında “Elif” rolu ilə məhşurlaşan uzun fasilədən sonra “Kızıl Goncalar” serialı ilə ekranlara qayıdan aktrisa “InStyle” jurnalına müsahibəsində çətin günlərindən söz açıb:
“Həyat yoldaşımın itkisi çox ağır və çətin idi. Dünyadakı bütün itkilər ağrılıdır, heç birini bir-biri ilə müqayisə etmirəm. Amma indi olduğum insan kimi deyə bilərəm ki, artıq bütün ağrılarla empatiya qura bilirəm. Çünki ən böyük ağrını yaşadım. Ətrafımdakı insanlar məni həyata qaytarmaq istəyirdi. Amma hər kəsə dedim ki, icazə verin, bu ağrını layiq olduğu kimi yaşayım. Qoy yox olub təmizlənənə qədər gözləyim. Və bir gün özümü hazır hiss edəndə ayağa qalxım…”
Qeyd edək ki, Özgü Namal 2014-cü ildə tənəffüs terapevti Ahmet Serdar Oral ilə ailə qurmuşdu. Cütlüyün Nefes və Elem Su adlı iki övladı var.
