Bakıda “Heydər Əliyev İli” çərçivəsində və Azərbaycan professional milli teatrının yaranmasının 150 illiyi münasibətilə Rusiya Federasiyası Primorsk diyarı hökumətinin və Azərbaycan Respublikası Mədəniyyət Nazirliyinin dəstəyi ilə Vladivostokda yerləşən Primorsk diyarının Maksim Qorki adına Akademik Dram Teatrının qastrolları keçirilir.
Uvertura.az Rus Dram Teatrının saytına istinadla xəbər verir ki, Uzaq Şərqin qocaman, öz dəst-xəti olan və rus klassik psixoloji teatr ənənələrini qoruyub saxlayan bu teatrın truppası Səməd Vurğun adına Azərbaycan Dövlət Akademik Rus Dram Teatrının səhnəsində özünün ən yaxşı tamaşaları olan “Ustad və Marqarita”, “Xatirə duası”, “İvanov”, “Edit və onun şeytanları”, “Nə əldən qoyur, nə yardan doyur”, “Kreyserlər”i təqdim edir.
Biletləri şəhərimizin kassalarında, həmçinin iticket.az saytında onlayn əldə etmək olar.
