İspaniyanın populyar “Alquibla” ədəbiyyat portalı Dövlət Tərcümə Mərkəzinin “Azərbaycan ədəbiyyatı beynəlxalq virtual aləmdə” layihəsi çərçivəsində Azərbaycanın Xalq şairi Sabir Rüstəmxanlının ispan dilinə tərcümə edilmiş “Sual” və “Min illər” şeirinin yayımına başlayıb.
Geniş oxucu auditoriyasına malik “Alquibla” ədəbiyyat portalı mütəmadi olaraq səhifələrində Xuan Gil Albert, Qustavo Adolfo Bekker, Ceyn Ostin, Virciniya Vulf, Jan Pol Sartr, Emil Zolya, Roke Dalton Qarsia kimi məşhur dünya şairləri və yazıçılarının yaradıcılığını işıqlandırır.
