Məşhur amerikalı aktrisa Sandra Bullock-un eks partnyoru Bryan Randall 57 yaşında vəfat edib.
Uvertura.az usmagazine.com-a istinadən xəbər verir ki, o, 3 il gizli davam edən nevroloji xəstəlik olan ALS-dən əziyyət çəkib.
Qeyd edək ki, onun vəfatı ilə bağlı məlumatı ailəsi avqustun 5-də açıqlayıb. Bildirək ki, professional fotoqraf Bryan Randall ilə aktrisanın romantik münasibətləri 2015-ci ildə başlayıb. Həmin zaman aktrisa doğum günü ərəfəsində oğlunun fotolarını çəkmək üçün Bryan ilə əməkdaşlıq edirdi. Onlar Bryan-ın bir övladı və Bullock-ın övladlığa götürdüyü 2 nəfəri birlikdə böyüdüblər. Qeyd edilir ki, Bryan həmişə Bullock-a qarşı nəzakətli olub və aktrisa əvvəlki müsahibələrində eyni xüsusiyyəti də övladlarında görməyi arzuladığını demişdi. Onların uzunmüddətli münasibəti isə 2022-ci ildə sona çatmışdı.
Əlavə edək ki, fotoqrafın ailəsi Bryan-ın vəfatından sonra ALS-dən əziyyət çəkən şəxslərə kömək üçün xeyriyyə yardımı ayıracaqlarını elan ediblər.
