Rejissor Azər Quliyevin “Sanki yoxsan” adlı qısametrajlı bədii filmi ötən il bir sıra müvəffəqiyyətli festival təcrübələri yaşamışdır.
Uvertura.az Azərtac-a istinadən xəbər verir ki, bu film beynəlxalq festivalların müsabiqə proqramlarında nümayiş etdirilmişdir.
Film, may ayında 77-ci Kann Beynəlxalq Film Festivalında (Fransa) qısametrajlı filmlər kateqoriyasında təqdim edilib və həm qonaqlar, həm də kino tənqidçiləri tərəfindən maraqla qarşılanıb. Daha sonra avqust ayında, 30-cu Sarayevo Film Festivalında (Bosniya və Herseqovina) əsas proqramda nümayiş olunub.
Filmin rejissoru və ssenari müəllifi (Nicat Muxtarovla birlikdə) Azər Quliyevdir. Rollarda Milana Həsənova, Oktay Mehdiyev və Elşən Məmmədov çıxış ediblər.
