Türkiyəli aktrisa Aybüke Pusat boykot çağırışları ilə bağlı etdiyi paylaşım səbəbilə TRT-də yayımlanan “Teşkilat” serialının heyətindən çıxarılıb.
Uvertura.az xəbər verir ki, aktyor Furkan Andıç sosial şəbəkə hesabında sevgilisi Aybükeyə dəstək göstərib.
Andıç, birgə şəkillərini paylaşaraq “Yanındayam, gülüm” şərhini əlavə edib.
Furkan, sevgilisinə dəstək olduğu üçün “TRT Tabii”də yayımlanan “Muhabir” serialından da uzaqlaşdırılıb.
Qeyd edək ki, uzun müddət münasibətlərini gizli saxlayan məşhur aktyor cütlüyü, Furkan Andıç və Aybüke Pusat, birlikdə olduqlarını ilk dəfə “14 Fevral – Sevgililər Günü”ndə açıqlamışdılar. Onlar həmçinin “Her yerde sen” serialında baş rolları paylaşmışdılar.
