“Marvel Kinematoqrafiya Kainatı” özünün sevimli aktyorlarından birini itirib. Söhbət 58 yaşlı ingilis aktyor Ray Stevenson-dan gedir.
Uvertüra.az xarici mətbuata istinadən xəbər verir ki, mayın 21-də vəfat edən aktyorun ölümü ilə bağlı son zamanlar əməkdaşlıq etdiyi “Cassino in Ischia”nın rəsmi “Twitter” səhifəsində məlumat verilib.
Bildirilib ki, film setinin komandası bu zamansız hadisədən dolayı şok içindədirlər və aktyorun xatirəsinin hər zaman onlarla yaşayacağını əlavə ediblər.
Qeyd edək ki, aktyor film sənayesinə 1998-ci ildə daxil olmuşdu və doğum günündən 4 gün (mayın 25-i) öncə vəfat edib. Ölümü ilə bağlı isə əlavə bir detal verilməyib.
