Cəfər Cabbarlı adına Azərbaycan Dövlət Teatr Muzeyində 20 Yanvar faciəsinin 35-ci ildönümü ilə əlaqədar olaraq “Şəhid adı hər bir addan ucadır!” adlı tədbir keçirilib.
Uvertura.az Azərtac-a istinadən xəbər verir ki, tədbir Dövlət Himninin səsləndirilməsi ilə başlayıb, ardından şəhidlərimizin xatirəsi bir dəqiqəlik sükutla yad edilib.
Muzeyin elmi-kütləvi işlər üzrə şöbəsinin müdiri Ümidə Hacıyeva tədbirdə geniş məruzə ilə çıxış edib.
Sonra, muzeyin əməkdaşları tərəfindən 20 Yanvar faciəsi ilə bağlı hazırlanmış videoçarx nümayiş etdirilib.
Tədbirin bədii hissəsində isə 1 nömrəli Uşaq-Gənclər İnkişaf Mərkəzinin dərnək üzvləri şeir kompozisiyaları təqdim ediblər. Eyni zamanda, milli birlik və vətənpərvərliyin simvolu olan həmin qanlı gecənin dəhşətlərini təsvir edən rəsmlərdən ibarət sərgi nümayiş olunub.
