“Ulu Öndər Heydər Əliyev xatirələrdə” kitabının təqdimat mərasimi keçirilib.
Uvertura.az xəbər verir ki, Qərbi Azərbaycan İcmasında keçirilən tədbirdə İcma rəhbərliyi, millət vəkilləri, ziyalılar, ictimaiyyət nümayəndələri iştirak edib.
Qərbi Azərbaycan İcmasının hazırladığı nəşrdə əslən Qərbi Azərbaycandan olan elm, ədəbiyyat, mədəniyyət və ictimai-siyasi xadimlərin Ulu Öndər Heydər Əliyev haqqında olan xatirələri, fikir və düşüncələri yer alıb.
Kitabda Heydər Əliyev siyasətinin ucalığı, ali insani keyfiyyətləri real faktlar asasında oxuculara çatdırılır.
Əbədiyaşar Liderin 100 illik yubileyinə böyük ehtiramın nümunəsi olan bu kitab Heydər Əliyevin siyasi, iqtisadi, mənəvi irsinin araşdırmaçıları və digər oxucular üçün nəzərdə tutulub.
Sonda Ulu Öndər Heydər Əliyevin və Prezident İlham Əliyevin Qərbi Azərbaycana aid fikrilərinin yer aldığı videoçarx nümayiş olunub.
Qeyd edək ki, kitabın ideya müəllifləri tibb elmləri doktoru, professor Vaqif Şadlinski, iqtisad elmələri doktoru Vahid Novruzovdur.
