Məşhur ABŞ aktyoru Val Kilmer dünyasını dəyişib.
Uvertura.az xəbər verir ki, bu barədə “New York Times” aktyorun qızına istinadən xəbər yayıb.
Onun sözlərinə görə, Val Kilmer pnevmoniya səbəbindən 65 yaşında vəfat edib.
Val Kilmer “Batman Forever” və “The Doors” filmlərindəki rolları ilə geniş tamaşaçı kütləsi tərəfindən tanınmışdı.
Kilmer 1959-cu ildə Los-Anceles şəhərində anadan olub. O, karyerasına teatr səhnələrində başlayaraq, 1984-cü ildə “Top Secret” adlı casus komediyası ilə kino dünyasına böyük bir sıçrayış etmişdi. İki il sonra isə Tom Kruzla birlikdə çəkildiyi “Top Gun” adlı döyüş filmi onun şöhrətini artırdı. 1990-cı illərdə Hollivudun ən yüksək gəlirli aktyorlarından biri hesab olunan Kilmer, xüsusilə Oliver Stounun eyniadlı filmində “The Doors” qrupunun lideri Cimmi Morrisonu, 1993-cü ildə isə “Batman Forever” filmində Bətməni canlandıraraq tamaşaçıların rəğbətini qazanmışdı.
