Xalq artisti Səid Rüstəmovun anadan olmasının 117 ili tamam olur

Səid Rüstəmov 1907-ci il mayın 12-də İrəvanda anadan olub. O, Müəllimlər Seminariyasında, musiqi məktəbinin xalq çalğı alətləri şöbəsində, Azərbaycan Dövlət Pedaqoji İnstitutunda təhsil alıb. Azərbaycan Dövlət Konservatoriyasında, Bəstəkarlar İttifaqında çalışıb. Respublikamızda notla çalan ilk xalq çalğı alətləri orkestrinin bədii rəhbəri və baş dirijoru, Fioletov adına klubun mahnı və rəqs ansamblının, Azərbaycan Dövlət Mahnı və Rəqs Ansamblının rəhbəri olub. O, “Azərbaycan süitası”nı, “Sevinc” rəqsini məhz xalq çalğı alətləri orkestri üçün yazıb. Musiqi məktəbləri üçün “Not savadı” dərsliyinin əsas tərtibçilərindən biri, ilk “Tar məktəbi” dərs vəsaitinin müəllifidir. “Oxu, gözəl”, “Hardasan?”, “Həkim qız”, “Getmə-getmə”, “Haralısan?”, “Bənövşə”, “İntizar”, “Sürəyya” və s. mahnıların musiqisi ona məxsusdur.

Xalq artisti 1983-cü ildə vəfat edib.