Avqustun 29-da dəyərli sənətkarımız, Əməkdar artist Mirzə Ağabəylinin doğum günü qeyd edilib.
Uvertura.az xəbər verir ki, bu haqda Akademik Milli Dram Teatrından bildirilib.
“Teatrımızın rəhbərliyi və kollektivi adından əziz Mirzə müəllimi ürəkdən təbrik edir, ona möhkəm cansağlığı, uzun ömür, könül xoşluğu arzu edirik. Əzizləri və doğmaları ilə birlikdə gözəl ömür yaşasın, həmişə səhnədə olsun! Təbriklər, Mirzə müəllim! Doğum gününüz mübarək!”, – deyə Teatrın təbrikində qeyd edilib.
Əlavə edək ki, Əməkdar artist 1950-ci ildə Bakı şəhərində doğulub. Avqustun 29-da isə 73 yaşını qeyd edib.
