Kanadalı məşhur repçi Dreyk, özünə bənzəyən qadın fanatına 10 min dollar hədiyyə edib.
Uvertura.az Qafqazinfo-ya istinadən xəbər verir ki, Toronto şəhərində Dreykə oxşarlarını tapmaq məqsədilə müsabiqə təşkil olunub. Bir çox iştirakçının qatıldığı yarışmada birinci yeri Makayla Çambers adlı qadın tutub.
Əvvəlki dövrlərdə Timati, Pol Mescal, Jeremy Allen və Dev Patel kimi məşhurların da bənzərləri axtarılıb. Lakin Dreykin 10 min dollar hədiyyə etməsi, indiyə qədər keçirilmiş bütün yarışlardan daha böyük diqqət çəkib.
Qeyd edək ki, Dreyk əvvəl də Torontoda küçədə qarşısına çıxan vətəndaşlara pul paylaması ilə diqqət çəkmişdi.
