Dahi Azərbaycan şairi və mütəfəkkiri Nizami Gəncəviyə həsr olunmuş “Nizami: daxili aləm” adlı sənədli film ilk dəfə televiziyada yayımlanacaq.
Uvertura.az xəbər verir ki, Mədəniyyət Nazirliyinin və Azərbaycan Respublikası Kino Agentliyinin sifarişi ilə hazırlanmış bu sənədli film yanvarın 25-də saat 23:00-da AnewZ Televiziyasında nümayiş olunacaq.
Qeyd edək ki, Mədəniyyət Nazirliyi, Nizami Gəncəvi yaradıcılığını əbədiləşdirmək və onu beynəlxalq miqyasda daha geniş şəkildə təbliğ etmək məqsədilə bu filmi sifariş edib. Film, beynəlxalq auditoriya üçün nəzərdə tutulub.
İngilis dilində çəkilən sənədli filmdə tanınmış tarixçilərin, ədəbiyyat və mədəniyyət xadimlərinin Nizami Gəncəvinin zəngin yaradıcılığına dair fikirləri yer alır.
Filmin ssenari müəllifi Kristina Lin Morelli, rejissoru və prodüseri Atakan Kerküklü, operatorları isə Miya Lusia Keyhli Padcet və Ceremi Stefan Fut, montaj redaktoru isə Bahəddin Dastandır.
