“İnsanlardan yorulmuşdum və bir müddətlik Tovuza köçdüm. Bu barədə indiyə qədər heç yerdə danışmamışam. Təxminən 3-4 ay bir zirzəmidə tək qaldım, bu müddət ərzində həm özümü, həm də ətrafımı və yaxınlarımı daha yaxından tanıdım.”
Uvertura.az xəbər verir ki, bu sözləri müğənni Əbdül Xalid “Maqazin plus” verilişində səsləndirib. İfaçı həyatında çətin dövrlər yaşadığını və intihar həddinə çatdığını etiraf edib:
“Kimlərin əsl simasını o zaman anladım. Allaha şükür edirəm ki, 40 yaşımda məni böyük bir sınaqla qarşılaşdırdı. “Bu insanlar mənə bunu etməz” dediklərimdən elə zərbələr aldım ki… Dost bildiklərim yanımda olmadı. O an sadəcə bir zəngə, arxalanacaq bir dosta ehtiyacım var idi. Amma ətrafımdakılar sanki “sən məhv oldun, artıq bitdin” deyirdi. Mən də bu reallıqla barışmışdım. İntihar həddinə qədər gəlib çatmışdım. Əməliyyata məcbur qalmağımın əsas səbəbi də məhz bu idi. Həmin streslər və aclıq-susuzluq məni bu vəziyyətə gətirib çıxardı.”
