Azərbaycan Aşıqlar Birliyi (AAB) tərəfindən hazırlanmış “Aşıq, bağrına bas sədəfli sazı” adlı antoloji nəşr işıq üzü görüb.
Uvertura.az xəbər verir ki, topluda aşıqların və yazılı ədəbiyyat nümayəndələrinin saza və aşıq sənətinə, eləcə də bu sənətin azmanları – ustad aşıqlara həsr etdikləri şeir və poemaları ilə tanış ola biləcəklər. “Dədə Qorqud” boylarında, aşıq dastanlarında, Qurbani, Abbas Tufarqanlı, Xəstə Qasım, Hüseyn Şəmkirli, Aşıq Alı, Aşıq Ələsgər, Aşıq Şenlik, Molla Cuma, Hüseyn Bozalqanlı, Nəbi Faxralı, Aşıq Şəmşir, Hüseyn Saraçlı, Mikayıl Azaflı, Ədalət Nəsibov kimi görkəmli sənətkarların saza və aşığa həsr etdikləri şeirlərlə yanaşı, sonrakı dönəmdə onların özlərinə həsr edilmiş çoxsaylı şeirlər də topluda geniş yer alıb.
