Bu dəfəki tövsiyyə etdiyimiz film qorxu mövzuludur
Uvertura.az xəbər verir ki, 2023-cü ilin qorxu filmi “Talk to Me”, Avstraliyanın Danny və Michael Philippou qardaşlarının rejissorluq etdiyi, gənclərin sosial təzyiqlər və paranormal hadisələrlə qarşılaşdığı bir qorxu filmidir. Film, yalnız ruhlarla deyil, eyni zamanda gənclərin öz emosional sıxıntıları və həyatlarını anlamaq çabaları,gənclərin öz daxili aləmlərində yaşadıqları travmalar və sosial təzyiqlərlə də əlaqəlidir.
“Talk to Me” gənc bir qrupun “ruh çağırma” oyununu sınaqdan keçirməsi ilə başlayır. Əl şəklində olan heykəli istifadə edərək ölü insanlarla əlaqə qurmağa çalışan gənclər, bunun nəzarətdən çıxması ilə qorxulu və təhlükəli bir vəziyyətə düşürlər.
Film, gənclərin həyatında qarşılaşdıqları sosial təzyiqləri və emosional sıxıntıları əks etdirir. “Talk to Me”, sosial medianın və gənclər arasında əlaqə qurma tərzinin təsirini göstərir, amma bu əlaqə, ölüm və həyatda qalmaq arasında narahat edici bir sərhəd yaradır. Mia adlı baş qəhrəman, şəxsi travmalarını və qorxularını aşmağa çalışır.
Film, sadə, amma təsirli vizual yanaşmalarla qorxu yaradır. Paranormal hadisələr çox zaman göstərilmir, amma onların yaratdığı gərginlik və qorxu güclü bir atmosfer yaradır. Bu yanaşma, filmi daha psixoloji və emosional cəhətdən güclü edir.
