Yer xaricində varlıqların başqa bir planetdən Yerə gəldiyi və seçilmiş bir qrup insanlar üzərində törəmə təcrübələr apardığına dair geniş yayılmış inanc var. Bu ağılsız bir inanc olsa da və onu təsdiqləyən etibarlı dəlil olmasa da, onun ətrafında bir düşüncə formalaşıb. XX əsrin sonlarında keçirilən ictimai rəy sorğusuna əsasən, amerikalıların üçdə biri yadplanetlilərin Yer kürəsini ziyarət etdiyinə inanır. Bu rəqəm on il əvvəllə müqayisədə 5% artım göstərir.
Sözügedən düşüncənin sahiblərinə görə, yadplanetlilər 1947-ci ildə Nyu-Meksiko ştatının Rosvel şəhərində qəzaya uğrayıblar. ABŞ hökuməti kosmik gəmini və onun içindəkiləri bərpa etdi və o vaxtdan bəri yadplanetlilərlə 51-ci sahə kimi tanınan yerdə gizli danışıqlar aparıldı. UFO hadisələrinin artması Yer kürəsində yadplanetlilərin fəaliyyətinin artması ilə əlaqələndirilir. Yadplanetlilər əvvəlkindən daha çox insanı oğurlayır, onların mövcudluğuna dair müxtəlif işarələri sözdə əkin dairələri şəklində qoyur, mal-qaranın müxtəlif üzvlərini kəsir və arabir seçilmiş peyğəmbərlərə Urantiya Kitabına bənzər vəhylər göndərirlər.
Yadplanetlilər və UFO’lar haqqında bu cür inanclara verilən dəstək, əsasən spekulyasiyalardan, fantastik filmlərdən, saxtakarlıqdan və qeyri dəqiq sübutlardan irəli gələn şübhəli iddialara əsaslanır. Həmçinin, UFO həvəskarları, yadplanetli fəaliyyətlərini gizlədən və yadplanetlilərin dünyaya gəldiklərini sübut etmələrini maneə törədən bir hökumətə inanmış vəziyyətdədirlər. Kainatın başqa bir yerində həyatın mövcud olması və bunun bir hissəsinin də ağıllı yaşam formalarından ibarət olması mümkündür. Riyazi baxımdan, kainatda mövcud olan milyardlarla qalaktikada yerləşən trilyonlarla ulduz arasında bizim Günəşimizə bənzəyən bir ulduza lazımi məsafədə olan və yaş baxımından Dünya ilə oxşar milyonlarla planetin olduğu ehtimalı olduqca yüksəkdir. Bu planetlərdən bəzilərində həyatın inkişaf etmiş olması ehtimalı çox yüksəkdir. Hətta bu inkişafın (təkamülün) təbii seçmə ilə yönləndirildiyi ehtimalı da xeyli yüksəkdir. Lakin belə bir təkamülün nəticəsində ağıllı yaşam formaları bizdən daha az zəka sahibi, bizimlə eyni və ya bizdən üstün həyat formaları meydana gəlməlidir deyə bir şey yoxdur. Bəlkə də həqiqətən kainatda oxşarsız ola bilərik.
Başqa planetlərdə həyatın ola biləcəyi və bəzilərinin çox ağıllı həyat formaları ola biləcəyi ehtimalına baxmayaraq, kainatdakı hər hansı bir planetdən hər hansı bir istiqamətə göndərilən hər hansı bir siqnalın üzərində həyatın olan başqa bir planetə çatma ehtimalı demək olar ki, yoxdur vəya əgər, tam əksinədirsə bu proseslərin hər bir mərhələsi uzun müddət tələb edir. Əlavə olaraq bunu da qeyd edim ki, hara getəcəyini dəqiq bilmədən kosmosda ağıllı həyat axtarmaq axmaqlıq olardı.Mümkün bir siqnalı gözləmək hər hansı bir planetdə həyatın mövcudluğundan daha uzun bir gözləməyə çevrilə bilər. Nəhayət bir gün bizə bir siqnal çatarsa, bu siqnalı bizə gətirən dalğalar yüzlərlə və ya minlərlə il əvvəl göndərilmiş olacaq və biz bu siqnalın mənbəyini aşkar edənə qədər onları göndərən planetdə həyat sona çatmış ola bilər. , hətta sözügedən planet tamamilə məhv olmuş ola bilər.
“Əgər biz onları nə vaxtsa tapsaq, o zaman yadplanetlilər o qədər yad, insanlıqdan o qədər uzaq ola bilər ki, aramızdakı hər hansı qarşılıqlı əlaqənin mənaları məhv ola bilər və belə bir qarşılıqlı əlaqə ümumiyyətlə baş verməz.” – Henry Gee
Araşdırdı: Səid Məmmədov
