ABŞ, Broadway-də “The Phantom of the Opera” (Operadakı Ruh, musiqili şou) 35 ildən sonra dayandırılıb. Son səhnə isə bazar günü sevənlərinə təqdim edilib.
Uvertüra.az NBC News TV proqramına istinadən xəbər verir ki, musiqili şounun müəllifi olan Andrew Lloyd Webber bağlanış ilə bağlı olaraq səhnədə görünüb, üzərində isə qara kostyum və eyni rəngdə qalstuk olub. O, son şounu isə 43 yaşında xərçəngdən vəfat edən oğluna həsr edib.
“O, balaca olan zaman bu musiqinin bir hissəsini eşitmişdi”, şounun orijinal ulduzlarından olan Sarah Brightman onun əlini tutaraq razılaşır. “Andrew onu yazanda o burada idi. Onun oğlu bizimlədir. Nick biz səni çox sevirik”, – sözlərini əlavə edib.
Prodüser Cameron Mackintosh isə tamaşaçılara ümid verib və deyib ki, onlar “Phantom”u yenidən görəcək, ola bilər ki, onlar düşündüyündən də daha tez. Bir sualı mən təkrar və təkrar verirəm, Phantom qayıdacaq? 55 il prodüser olduğum dövrdə ən yaxşı musiqili şouların qayıtdığının şahidi olmuşam. Phantom da onlardan biridir. Yəni, bu sadəcə vaxt ilə bağlı məsələdir”.
Qeyd edək ki, izləyicilər son səhnəni izləmək üçün növbə gözləməli olublar, belə ki, bağlanış xəbərindən sonra çoxları gözyaşlarını tuta bilməyib və komandanın yanında olmaq istəyiblər. Biletlərin hamısı isə bir anda satılıb qurtarıb. Əlavə edək ki, 35 il ərzində şou bir çox mədəni dəyişiklik, iqtisadi tənəzzül və terrorizmə məruz qalıb, ancaq Covid və onun təsirləri isə daha çox olub, nəticədə şounun müəllifləri sevənləri ilə sağollaşmalı olublar.
