Əfsanəvi amerikalı müğənni Britney Spears-ın illər öncə, yəni 22 yaşında ikən “Ellen Show”dakı müsahibəsinin tam versiyası şounun rəsmi “YouTube” kanalına yüklənib.
Uvertura.az xəbər verir ki, müsahibə isə ilk dəfə 2004-cü ilin fevralın 12-də alınıb.
Şou çərçivəsində aparıcı Ellen DeGeneres onun enerjili, formada olmasından və amerikalılar tərəfindən nə qədər sevilməsindən bəhs edib. Bu qədər işə necə həvəsli olursan? sualına isə Ellen daha sonra özü cavab verib, “Əlbəttə, sən 22 yaşındasan”.
Daha sonra Ellen müğənni ilə birgə onun sevdiyi idman hərəkətlərini edib və basketbol səbətindən top atıblar. Britney Spears bu işdə Elleni üstələyib.
Qeyd edək ki, şərh bölməsində isə insanlar başına nə gəlirsə-gəlsin Britneyi çox sevdiklərini və həmin zaman nə qədər həyat dolu, səmimi və gülərüz olduqlarını yazıblar.
