Supermodel Gisele Bündchen “Instagram”da paylaşdığı postu ilə viral olub.
Uvertura.az eonline.com-a istinadən xəbər verir ki, o, video postunda velosiped sürüb və bu sözləri yazıb: “Heç nə qalıcı deyil”.
“Pis və yaxud yaxşı təcrübələr bizim böyüməyimizə və nəsə öyrənməyimizə kömək olur. Heç nə qalıcı deyil. Ona görə də gəlin yaxşı anların dadını çıxaraq, pis günlərdən isə öyrənək. Hər gün hədiyyədir”, – deyə sözlərinə əlavə edib.
Onun sözlərinə əsasən bəzən siz bir yerdə böyüyürsünüz: “Ancaq bəzən ayrılıqda. Tanış olanda mənim 26 yaşım, Tom-un isə 29 yaşı var idi. Biz ailə olmaq və hər şeyi bir yerdə etmək istəyirdik. Ancaq zaman keçdikcə anladıq ki, bizim həyatdan gözləntilərimiz artıq fərqlidir”.
Qeyd edək ki, oktyabrda supermodel 13 il davam edən evlilikdən sonra yoldaşı, keçmiş NFL oyunçusu Tom Brady-dən ayrıldığını elan etmişdi. Cütlük bildirib ki, övladları onların ayrılmasından təsirlənməyəcək və hər zaman onlara ehtiyacı olan sevgini bir yerdə verəcəklər.
