“Barbie” 2023-cü il istehsalı olan, rejissorluğunu xanım Greta Gerwig-in etdiyi, Noah Baumbach tərəfindən yazılmış fantaziya – komediya janrında çəkilmiş filmdir.
Uvertura.az xarici mətbuata istinadən xəbər verir ki, film Mattel tərəfindən ərsəyə gətirmiş “Barbie” oyuncağına xitabən çəkilmiş ilk filmdir. Kino ulduzu Margot Robbie Barbie, Ryan Gosling isə Ken obrazında çəkilib. Filmin ərsəyə gələcəyi ilə bağlı ilk fikir 2009-cu ildə elan edilib və çoxsaylı rejissor və film studiyası dəyişikliyindən sonra nəhayət ki, izləyicilərə təqdim edilib.
Əlavə edək ki, ötən həftə sonu Amerikada kino zalları “Barbie”yə məxsus olub. İlk 3 gündə filmin gəlirləri 155 milyon dollar olub. Bu isə 2023-cü il mövsümün açılmasından bu yana ən yüksək rəqəm hesab edilir. Film studiyası isə real çəhrayı malikanə formasında hazırlanıb.
Qeyd edək ki, filmi ərsəyə gətirənlər onun marketinqinə çoxsaylı vəsait xərcləyiblər. Tamaşaçılar da bu nüansı nəzərə alaraq onu izləməyə gəliblər. “Barbie” ilə təxminən eyni vaxtda “Oppenheimer” filmi nümayiş edilib. Ekspertlər isə bildirirlər ki, “Barbie” filmi gözləntilərdən daha yaxşı nəticə göstərib.
