“Barbie” filmindən və TikTok-da yaranan influencer-lərin təsirindən sonra yeni bir kosmetik trend olan “Barbie Botox” müştərilər arasında məşhurlaşıb.
Uvertura.az eonline.com nəşrinə istinadən xəbər verir ki, “Barbie Botox” arxa və boyun əzələlərinə edilən botox-dur ki, bu da çiyinləri daha enli, boynu daha uzun və nazik edir. Əsl gəlinciyi xatırladır.
Amerikalı cərrahlar deyirlər ki, hazırda bu kosmetik trendə tələb olduqca yüksəkdir: “Əsasən də belə kosmetik müdaxiləni istəyənlər isə davamlı olaraq idmanla məşğul olanlardır. Müştərilər arasında gimnastlar daha çoxdur. Onlar əzələlərindən daha çox istifadə etdiklərindən dolayı bu böyüyür və inkişaf edir. Botox isə bunun qarşısını alır. Lakin əl, bədən hərəkətləri edənlər də özlərində dəyişikliyin şahidi ola bilərlər və çarəni də bu trenddə görə bilərlər”.
Qeyd edilir ki, bu kosmetik trenddən sonra qəzəb, ağrı azalır və müştərilər özlərini daha rahat hiss edirlər, eyni zamanda riski aşağı olan kosmetik müdaxilələrdəndir.
