Azərbaycanın dahi şairi Məhəmməd Füzuli haqqında məqalə “Vikipediya”nın ingilis dili bölməsində ana səhifəyə çıxıb.
Uvertura.az xəbər verir ki, bu barədə “Vikipediya” üzrə mütəxəssis, diaspor üzrə araşdırmaçı-ekspert Elnur Eltürk deyib.
Noyabrın 13-də “Vikipediya”nın ingilis dili bölməsində yazılmış “Fuzuli” məqaləsi həmin platformanın “Ana səhifəsi”ndə “Seçilmiş məqalə” kimi nümayiş olunub. Hal-hazırda məqalə ana səhifədədir.
Məqalədə Azərbaycan şairinin həyatı, yaradıcılığı və mirası haqqında ətraflı məlumat verilib. Məqalə etibarlı istinadlarla zənginləşdirilib.
Qeyd edək ki, “Vikipediya”nın ingilis dili bölməsinin “Ana səhifə”sinə hər gün milyonlarla oxucu daxil olur. Bu isə dahi şairimiz Məhəmməd Füzuli haqqında milyonlarla oxucunun məlumatlanması deməkdir. Əcnəbi elm adamları onun həyat və yaradıcılığı ilə daha yaxından tanış ola biləcəklər.
