“Səma ilə görüş” filminin qala gecəsi keçirilib.
Uvertura.az xəbər verir ki, Nizami Kino Mərkəzində baş tutan gecədə mədəniyyət və incəsənət nümayəndələri, tanınmış aktyor və blogerlər, o cümlədən media mənsubları iştirak ediblər.
Filmdə əsas rollarda Taleh Yüzbəyov, Kəmalə Piriyeva, Turanə Hüseynli, Əlibəy Məmmədli, İlkin Həsəni, Rafael İsgəndərov kimi peşəkar aktyor heyəti yer alıb.
Filmin ssenarisi Orxan Mərdan, Vüqar Hüseynov və Talıb Əhmədov tərəfindən qələmə alınıb. Ekran işinin icraçı prodüseri Fuad Cəfərov, prodüseri isə Amiran Babayevdir.
Qeyd edək ki, “Səma ilə görüş” filmi xəstələrə yardım etmək istəyən dostlardan bəhs edir. Bu dostların yalan və oğurluq üzərində qurulmuş ömrü bir gün onlara həyat dərsi verir.
